Со години ова е секојдневие на корисниците на патиштата што гравитираат кон раскрсницата кај Момин Поток и раскрсницата кај Хубо-маркет. Патиштата се руина, на секој метар пат има само дупки и длапки. Секојдневно овде наместо во возење, се губат часови и часови во стоење во прашината во редовите. Овој дел од Скопје сериозно укажува на неспособноста на надлежните за изградба на овој потег да организираат нормален проток на автомобили. Интересно е што властите, кои се фалат со еколошки стандарди, не виделе колку се загадува од стоењето во место на автомобилите.
