Колку само излитено делуваат пораките на власта за ЕУ во услови кога на внатрешен план Македонија како никогаш досега не била со повеќе афери за криминал и корупција и со закони донесени по итна постапка само за да се амнестираат политичките булументи на власт и во опозиција СДС/ДУИ/ДПНЕ.
На ова предупредија и од Стејт Департментот на САД од каде ни кажаа дека со корупцијата во земјава се ризикуваат стратешките процеси каков што е оној за ЕУ. Пораките што се слушнаа на скопскиот Самит на Брдо-Бриони процесот уште еднаш ја апострофираа дезориентираноста и на тие од ЕУ и на западнобалканските експоненти, посебно на овдешните непоправливи оптимисти, без никаков конкретен и вреден учинок, а само со желба за ќарење на ситен политички поен, за влез во ЕУ до 2030 година.
Од друга страна се помалку има јавност и граѓани во Македонија што веруваат на овие празни флоскули, довербата прво е падната во системот, институциите на системот, тие што ги воделе и водат тие институции, а потоа и поддршката за ЕУ.
Така што колку и да се удираат во гради дека се тие тие кои не водат во ЕУ, во реалноста всушност се тие тие кои не оддалечуваат од ЕУ и за тоа треба да сносат казна, со тоа што Вие граѓаните нема да гласате за нив.
Проектот проширување на ЕУ се чини далечен и за тие што одлучуваат за него па така деновиве можеа да се чујат дисонантни изјави од европските челници на оваа тема, а пак што да кажеме за нас?
И двете страни водени од изборите, европските во мај наредната година и нашите сеуште неизвесно дали ќе се предвремени или редовни догодина.
Дотолку повеќе што притисокот за уставните измени е насочен кон нас не и кон Бугарија да направи отстапки за постигнување колку толку рамноправен компромис.
Оттаму на политичката сцена никакво исполнување на стандарди за ЕУ нема да видиме, а ќе гледаме непринципиелни криминално-коруптивни коалиции и пазарење. Додека нерасветлени и натаму ќе останат еден куп смртни случаи, грозоморни злосторства против луѓето од алчни ѓаволи во бели мантили и разградување на државниот капитал.
Лек има. Лекот е во изборите на кои никогаш повеќе нема да им се даде доверба на СДС/ДУИ/ДПНЕ туку можност ќе добијат нови неискомпромитирани партии како што е ДЕМОКРАТИ.
Власта е во народот. Само треба да си ја врати оти им е украдена одамна од криминалните политички структури.
ДЕМОКРАТИ ве повикуваат да ни се придружите во таа борба!
