ЕУ преку Извештајот ви порача толку од вашиот ,,Европски фронт”
Дека една мудрост на нашите предци е многу во право и сосема применлива и во денешни времиња, а таа е ,,Не гледајме што зборувам, туку што правам”, е баш точно ова им се случи на криминализираните партии во власта и опозицијата СДС, ДПНЕ И ДУИ, со оценките во извештајот на Европската Комисија за напредокот на земјава на Европскиот пат.
Не треба и едните и другите да ја убедуваат односно замајуваат јавноста дека се Европски Фронт и дека тие се тие кои работат по Европски стандарди, а учинокот да е ,,0″ во спроведувањето и применувањето на тие стандарди.
Жално и трагикомично е да се слушаат изјавите од оние кои во своите глави се носат со фикцијата за некакви Европски фронтови, зашто со оценката од ЕУ дека ништо не е направено ни во судството ни во борбата со криминалот и корупцијата, Ви врза таков шамар та да не ви текне веќе да тропате глупости дека вие сте тие Европски предводници.
Од државата направивте пустош и монета за поткусурување, а ваму устите ви се полни дека сте вие тие,,европјаните”, а на сите други им лепите антиевропски етикети.
Е па вие од власта и опозициската ДПНЕ, за ваш жал, а за среќа на сите други, Европа не се води само од зборови туку бара дела.
Реформи во судство, владеење на правото, Борба со криминалот и корупцијата, а не да носите измени на закони по ваша мерка кои немаат ништо со правдата, а уште помалку со правото на ЕУ, квалитетно здравство и образование, стандард, економски напредок и прогрес кој ќе придонесе во земјава да живеат среќни и задоволни луѓе со пристоен живот и тоа од сите генерации, а не младите да се иселуваат, а возрасните да протестираат пред странските амбасади зашто повеќе им верува ним, отколку вам.
Затоа не се надевајте и со кој образ ја барате поддршката од граѓаните за уште еден мандат или за да се вратите на власт, вие сте веќе историја и таму сте каде што сте уште неколку месеци.
Сите маски се симнати, ниту вредите, ниту знаете, ниту работите чесно и поштено, само за тендерски провизии и за кражба ве бива.
Ајде сега сиктер со се вашиот ,,Европски фронт” да си го кажувате за по дома, а кој знае дали и таму ви верува некој.
ДЕМОКРАТИ ве покануваат сите Вие кои сте против СДС, ДПНЕ И ДУИ, партии, здруженија, невладин сектор, граѓани, синдикати, сите Вие кои се чувствувате обесправени и ви е нанесена неправда, да се обединиме во ,,Фронт за спас на Македонија” да му се спротивставиме на злото кое не потона сите нас во септичка јама.
Ве очекуваме, контактирајте не!
