Сите граѓани, членови, симпатизери и сите поддржувачи на партијата ДЕМОКРАТИ како и претставници на граѓански здруженија, синдикати и останатите политички партии со исклучок на криминалните партии на СДС, ДУИ и ДПНЕ, добредојдени сте сите да ни се придружите во ,,Фронтот за Спас на Македонија” и да учествувате активно на нашите трибини.
Трибината ќе се одржи на 25 Ноември 2023 година (сабота) во 17 часот во просториите на ХОТЕЛ САЛИДА 2, на ул. Орде Чопела бб. Прилеп во Варош, на која ќе ја претставиме нашата идеја за формирање на ,,Фронт за Спас на Македонија”.
Одржавме трибини во Битола, Тетово и во иднина ќе продолжиме со трибини низ Македонија, за чие место и време на одржување, ќе бидете навреме информирани, а на кои може одблиску да се запознаете со она што претставува и за што се залага партијата ДЕМОКРАТИ и зошто повикуваме да се формира една поширока надетничка, наднационална и надпартиска платформа што нуди идеи и решенија за оваа агонија во општеството што ја предизвикаа гореспоменатите криминални партии со најдолг стаж на владеење односно на разградување, пљачкосување, осиромашување на нашата Македонија.
Ако сами не си помогнеме, никој друг не може да ни помогне зашто тие кројат закони по сопствена мерка, правда по сопствена мерка, политики по сопствена мерка, тендери по сопствена мерка…
Вас и нас граѓаните никаде не нема, не сме ни прашани ни консултирани, та дури и последниот референдум го претставија дека е во нивна корист.
Во нашата држава има слободоумни граѓани кои чувствуваат потреба дека е дојден часот да направат нешто за државата и за сите нас во неа.
Вратата на ДЕМОКРАТИ е широко отворена за сите луѓе кои се спротивставуваат на црно/белата реалност што ни ја наметнуваат, сега е СДС/ДУИ претходно беше ДПНЕ/ДУИ, претходно СДС/ДУИ а сега пак се токмат ДПНЕ и ДУИ… До кога?
Не го сменија Изборниот законик за Една изборна единица, со Отворени листи и покрај апелите на ДЕМОКРАТИ, на ОБСЕ и на целата меѓународна заедница која по потреба понекогаш и ги премолчува криминалите на овие три партии за да протурка проекти кои што се битни за неа.
Но им порачуваме и ним дека во Македонија има луѓе и политички партии кои не се под чадорот на овие три партии и не се дел од криминалните банди чии елементи се пукаат јавно во трговски центри, кои се слободни, честити и родољуби со интелектуален потенцијал да се соочат на избори и со едно заокружување на изборното ливче да ги испратат криминалните партии на СДС, ДУИ, ДПНЕ на буништето на мрачната македонска историјата.
Не се нивните околу по 200 до 250 илјади гласови на изборите најпрестижните и највредните или нешто што ги прави попаметни, повредни, пообразовани од сите нас за да управуваат со државата, а гледаме како (не) го прават тоа.
Почитувани тоа е нашиот мотив да ги збиеме и окрупниме редовите и да го концентрираме нашиот човечки потенцијал за да им се спротивставиме на следните избори. Ние со сите Вас заедно го можеме тоа, верувајте! Силата е во народот!
Придружете ни се!
ДЕМОКРАТИ/ Фронт за спас на Македонија!
