Веќе трета деценија здравствениот систем во државата како и се друго е нефункционален и се распаѓа.
Злосторничкото здруженија на СДС-ДПНЕ-ДУИ, нивните полтронски приврзоци и нивните злосторнички криминални банди на место да работат да имаме врвно здравство и здравствени услуги во изминатите децении, сведоци сме на лаги, ветувања, партиски вработувања, местење тендери, крадење на лекови од пациентите, а тие најтешко болните, оставени на милост и немилост, без лекови и третмани…
Болниците и јавните установи се оставени да работат во мизерни услови, без опрема, со необучен кадар и без неопходен кадар. Докторите специјалисти и медицинските сестри масовно заминуваат од државното во приватното здравство и во странство. Во болниците низ државата има голем недостиг од доктори – специјалисти, а од друга страна пренатрупаност од партиски непотребни вработувања.
Недозволиво е во една нормална држава да нема медицински кадар во болниците, тоа е апсурд. Подолго време има недостиг од анестезиолози, пулмолози,
алерголози, невролози, кардиолози, гинеколози, уролози..
Поради тоа, пациентите се приморани да одат во други градови каде што има таков вид на специјалисти, а поимотните одат во приватните клиники. Тие што немаат пари се приморани да чекаат специјалистички преглед, кога ќе дојди да дежура некој специјалист од Скопје или друг град…
Во болниците подолго време не се во функција рендген апаратите и други апарати, а пациентите на сите маки се приморани да одат и да се снимаат во други градови и се изложени на непотребни финансиски тришоци.
Да не зборуваме за снимање на магнетна резонанца, каде се чека со месеци и за жал некои пациенти нема да дочекаат да се снимат, зошто болестите не чекаат…
И покрај тоа што граѓаните плаќаат здравствено осигурување, приморани се да се лекуваат во приватни здравствени установи, на сопствен трошок и да патуваат до Скопје. Од една страна сиромаштијата, ниските пензии и плати, од друга страна трошоци за лекување во приватните клиники. А за лековите да не зборуваме, тоа е друга приказна… Најголем дел од нив не се на позитивна листа и граѓаните плаќаат енормно високи суми за лекови. За да биде уште потешко, многу лекови ги нема во аптеките.
За жал, 33 години се уништува здравството и државните здравствени установи се претворени во мртовечници.
Граѓаните на Македонија заслужуваат функционален, современ и врвен здравствен систем и достоинствен живот, како и европските граѓани. Тоа го немаше досега, зошто криминалните злосторнички банди и нивните злосторнички здруженија СДС-ДПНЕ-ДУИ систематски го уништуваа здравството.
ЗАТОА, граѓани на Македонија, освестете се до каде не донесоа злосторничките владеачки здруженија на кои воопшто не им е важно здравјето на граѓаните. Сега имаме можност, на претстојните парламентарни избори да го промениме овој трул и неефикасен здравствен систем и да имаме бесплатно и врвно здравство.
Затоа внимателно размислете за кого ќе го дадете вашиот глас на предстојните избори!
ДЕМОКРАТИ ве повикуваат да им се придружите во Фронтот за спас на Македонија, да ги тргниме од власта злосторничките СДС-ДПНЕ-ДУИ и да креираме ефикасен бесплатен здравствен систем и достоинствен живот за граѓаните на Македонија.
