Синдикалната минимална кошничка за храна и пијалоци за месец јули 2025 изнесува 65.328 денари и споредена со месец јуни кога изнесуваше 64. 698 денари, е зголемена за 630 денари.
Деновиве премиерот Мицкоски спомнува дека, не е реална вредноста на Синдикалната кошничка и треба да има пресметки за повеќе кошнички : кошничка за самци, кошничка за млади брачни парови, кошничка за пензионери, кошничка за тричленото семејство, кошничка за четиричлено семејство и т. н.
До кога премиерот Христијан Мицкоски ќе калкулира и ќе го лажи народот со некакви “кошнички”?
Дали е свесен човекот што зборува?
А каде е неговата “премиерска кошничка” и другите “функционерски кошнички”?
Наместо да го подобри стандардот на граѓаните и да ја подигни минималната плата најмалку до 40.000 денари, а реално би требало до 60.000 денари, тој зборува за некакви “кошнички” и го замајува народот.
Демократи сметаат дека не му требаат пресметки за никакви “кошнички” на овој народ и шарени лаги и празни ветувања, туку економски развој, повисоки плати и запирање на енормниот раст на цените.
ДЕМОКРАТИ секогаш за доброто на Македонија и граѓаните!
