Фондот за здравствено осигурување најави зголемување на партиципациите за дел од здравствените услуги во јавните болници од 1 јануари. Според изјавата на директорот на ФЗО Сашо Клековски, станува збор за поскапување на основниот специјалистички и интернистички пакет за осигурениците на Фондот.
Ќе поскапат специјалистичките прегледи и тоа наместо досегашните 380 денари, граѓаните ќе плаќаат 720 денари за преглед. Клековски го нарече зголемувањето „симболично“, иако станува збор за речиси двојно повисока партиципација.
Поскапуваат и интернистичките услуги. Директорот на ФЗО го претстави зголемувањето преку износи од 40 и 60 денари, но суштината е дека станува збор за зголемување од 50 проценти.
Со новите цени, Фондот очекува за здравствениот систем да се обезбедат приближно една милијарда денари годишно, односно околу 16 милиони евра дополнителни приходи.
Според пресметките на ФЗО, околу 80 % од овој прилив ќе завршат во јавните здравствени установи, а останатите 20% во приватните.
Клековски најави и дека во текот на следната година позитивната листа на лекови ќе биде проширена трипати, при што приоритет ќе имаат терапиите за кардиоваскуларни заболувања.
ДЕМОКРАТИ сметаат дека ова е срамно и нехумано од страна на ненародната Влада, во услови на толку низок стандард и превисоки цени на основни прехрамбени производи, струјата и други основни производи, да поскапат и здравствените услуги, наместо да поефтинат, поточно да бидат бесплатни во државните здравствениустанови. За жал, продолжува пљачка на народот од страна на криминалната држава!
ДЕМОКРАТИ подолго време се борат за бесплатно здравство и бараат ИТНО да се укини оваа одлука за двојно поскапување на здравствените услуги и ИТНО да се прошири позитивната листа на најскапите лекови, наместо да ветуваат дека тоа ќе се случи, наредната година.
ДЕМОКРАТИ секогаш се борат за доброто на граѓаните и Македонија!
