Вработените во Македонска Пошта деновиве протестираат во цела држава поради тоа што, се уште не им е исплатена плата.
Претседателот на Синдикатот во Македонски пошти заедно со вработените нагласи дека протестите ќе траат додека платата не биде исплатена, и доколку следната плата не биде исплатена до 15 – ти, веднаш ќе се започне со протест, а не е исклучен и штрајк на сите вработени.
Претседателот на ССМ, Слободан Трендафилов нагласи дека нема работа без плата и дека луѓе блиски до раководството на Македонска Пошта им се заканувале на вработените, да не излегуваат на протест.
Вработените нагласија дека работат во катастрофални и мизерни услови, во простории без греење и без основни услови за работа.
Овој протест не е само во Скопје, вработените во сите градови се пред зградите на Македонска Пошта и протестираат за да добијат плата.
ДЕМОКРАТИ им даваат целосна поддршка на вработените во Македонска Пошта и бараат од властите да им исплаќаат плати навреме, и да објаснат зошто платите каснат во Македонска Пошта, во образование и во други државни сектори.
Исто така потребно е да им се овозможат на вработените, основни услови за работа, греење и сл.
ДЕМОКРАТИ секогаш се борат за доброто на граѓаните и Македонија!
