По појавата на шуга во касарната во Велес, Независниот синдикат на професионални војници, алармира за катастрофалните услови за живот и работа, а поради таквите лоши хигиенски услови, и појава на шуга кај новопримените професионални војници во касарната во Велес.
Независниот синдикат на професионалните војници алармира за катастрофални услови за живот и работа во сите касарни низ државата.
„Професионалните војници имаат најлоши услови за работа, од нечиста постелнина, перници стари со децении, исто така и стари кебињата и чаршави. Просториите каде што спијат војниците се најчесто со влага, со многу инсекти по просториите, храната се дава во нехигиенски услови со прибори стари со децении, храната е еднолична и недоволна, санитарните јазли се нереновирани и руинирани повеќе од 15-20 години. Професионалните војници многу често работат во услови кога немаат струја во објектите за да се загреат, со години наназад“, изјавува
Александар Насковски, претседател на Синдикатот на професионалните војници.
Тој потенцира дека военото раководство и сите министри за одбрана, досега не покажуваат грижа за војниците, и покрај долгогодишните апели да се реновираат објектите каде што живеат и престојуваат професионалните војници 24/7 и да им се покачат платите.
ДЕМОКРАТИ целосно ги поддржуваат барањата на Независниот синдикат на професионалните војници за подобрување на условите за живот и работа на војниците, кои треба да имаат плати и услови за живот и работа согласно НАТО стандардите.
ДЕМОКРАТИ го обвинуваат министерот за одбрана Владо Мисајловски за игнорантскиот однос, отсуство на социјален дијалог и непочитување на основните човекови права на припадниците на АРМ и бараат ИТНО да ги подобри условите за живот и работа на војниците, да се реновираат објектите и да им се покачат платите.
Во спротивно, ИТНО да си даде оставка, како морален чин, поради случувањата со појавата на шуга и ставање во опасност на здравјето и животот на војниците.
Во спротивно, ќе продолжи масовниот одлив на војници од АРМ.
ДЕМОКРАТИ секогаш се борат за правата и достоинството на припадниците на АРМ!
