Регистрацијата на нова унгарска компанија во Македонија, за изградба на гасна електрана е уште еден, можеби последен удар за државниот енергетски сектор. Предходно беше потпишан договор со турска групација, исто така за изградба на приватна гасна централа. На овој начин Владата на Мицкоски систематски ја уништува државната енергетика и им овозможува на странски компании да ги користат природните ресурси на Македонија и енормно да се богатат.
Наместо државата преку АД ЕСМ да го користи профитот од нови инвестиции во енергетскиот сектор и да го заштити стандардот на граѓаните, Владата го прави токму спротивното, односно овозможува создавање приватни монополи и тоа го прикажуваат како успех и инвестиции во енергетиката.
Всушност овие не се инвестиции ЗА државата, туку инвестиции ВО државата, за туѓи и за лични интереси, профит и богатење.
ДЕМОКРАТИ сметаат дека ова не е развој и инвестиции во енергетиката, туку распродажба на природните ресурси на Македонија и планско уништување на АД ЕСМ (државната енергетика).
Наместо да се развива и зајакне сопствената енергетска сигурност, се создава зависност од странски приватни компании, кои ќе ја диктираат цената на струјата, наместо државата.
ДЕМОКРАТИ секогаш се залагаат за сопствено производство, во сопственост на државата-граѓаните, со сопствени инвестиции и развој на енергетиката, а сме против распродажба на природните ресурси на државата на странски инвеститори кои ќе го носат профитот во странство, поточно во нивните џепови, наместо да остани во државата, и кој профит, ќе ни овозможи во иднина изградба на повеќе државни електрани за производство на поефтина електрична енергија и ќе креира подобри услови за развој на економијата и отварање на нови работни места со високи плати, (само така ќе ги задржиме младите во Македонија)!
ДЕМОКРАТИ секогаш се борат за доброто на Македонија и народот!
