Владата донесе одлука, се намалува ДДВ на бензините и нафтата од 18 на 10%, за да се спречи енормен скок на цените и да се заштити стандардот на граѓаните ?!!
На прес-конференција премиерот Мицкоски се пофали:
“Успеваме како држава да обезбедиме за нашите граѓани најниска цена на нафта и нафтени деривати”…
Притоа тој направи споредба со актуелната цена на нафтата и нафтените деривати, односно на бензините и дизел горивото во соседството и мерките кои што ќе се преземаат во следните две недели.
“Имено моменталната цена на бензините и дизел горивото е следна: 95 октанскиот бензин е 86,5 денари за литар, 98 октанскиот бензин е 88,5 денари за литар, додека дизел горивото е 92 денари за литар”.
Тој предложи
зголемувањето да биде на 95 и 98 октанскиот бензин од 6,5 денари за литар, додека пак за дизел горивото тоа би значело 10,5 денари за литар.
Одлуката на РКЕ би била зголемување на бензините 95 и 98 октани од 86,5, односно 88,5 денари на 93 односно 95 денари, а на дизел горивото од 92 на 102,5 денари.
Со донесувањето на одлуката да се намали ДДВ на бензините и дизел горивото од 18% на 10%,
Владата очекува цената на бензините да остане иста, а цената на дизелот да се зголеми околу 3,5 денари по литар.
Според математиката на премиерот Мицкоски, ќе заштедиме околу 200 илјади евра на ден, или некаде околу милион и пол илјади евра седмично и ќе имаме најниска цена на горивата во регионот,
отприлика за половина евро по литар.
ДЕМОКРАТИ го прашуваат премиерот Мицкоски како ќе го подобри стандардот на граѓаните, со намалување на ДДВ од 18% на 10% само на бензините и нафтата, а оваа мерка ќе трае во следните 2 недели и за каква стабилност во
електро енергетскиот систем зборува, кога се увезуваат енергенси?!!
Исто така ДЕМОКРАТИ го повикуваат да одговори, како ќе го прекине синџирот на поскапувања само со една единствена мерка, а тоа е намалување само на ДДВ на нафтените деривати во следните две недели, кога цените секојдневно растат на сите производи, а платите и пензиите на граѓаните не се покачуваат?!!
ДЕМОКРАТИ одамна предлагаат да се намали ДДВ од 18% на 6%, 0% за прехранбените производи и лековите и секако да се зголемат платите и пензиите, минималната панзија да биде 30.000 денари и минималната плата да биде најмалку 1000 евра. Од друга страна пак, да се стабилизираат цените на сите производи и услуги во државата.
Само така ќе се заштити животниот стандард на граѓаните, а не само со една мерка и со “приказните” и фалбите на премиерот Мицкоски.
ДЕМОКРАТИ секогаш предлагаат реални мерки со цел подобрување на животниот стандард на граѓаните!
