ДЕМОКРАТИ ИЗРАЗУВААТ СОЧУВСТВО ДО СЕМЕЈСТВОТО на починатото 13-годишно дете, избодено со нож, во насилниот настан во населбата Чаир во Скопје.
Од Здружението “Глас против насилството”, по којзнае кој пат бараат државата да преземе сеопфатни мерки за заштита на децата од насилство.
Децата не се виновни за неуспехот на институциите да ги заштитат. Исто така бараат одговор: кој бил должен да ги препознае предупредувачките знаци, дали имало претходни сигнали и што направиле надлежните институции? Јавноста мора да биде информирана за институционалното постапување или непостапување – велат од Здружението.
ДЕМОКРАТИ апелираат дека несмее одговорноста да се бара првенствено кај децата и да се етикетираат како „насилни“, додека институциите затајуваат, не ги откриваат и навреме не ги превенираат насилните однесувања и не обезбедуваат психолошка помош на жртвите. За тоа се одговорни институциите и возрасните. Институциите не смеат да чекаат насилството да заврши со тешки повреди, за да реагираат. Образовните институции, центрите за социјална работа и здравствените служби мора да имаат систем и обучени тимови за превенција, доверливи начини за пријавување и поддршка за децата и семејствата. Ниту едно дете што бара помош не смее да остане само и незаштитено, затоа што институциите меѓусебно си ја префрлуваат одговорноста.
ДЕМОКРАТИ бараат од надлежните институции (образовните институции, центрите за социјална работа, здравствените центри), да превземаат мерки и да постапуваат навреме со цел во иднина никогаш повеќе да не се повтори ваква случка – дете да го загуби животот во насилен настан!
